Sa sulod sa usa ka bazaar sa Colon,
milantaw ko sa mga paninda nga naka-displi.
Paghimatngon nimu naku,
miduol ka samtang ga-tingsi.
"Unsa'y ato, mam?" Miingon ka naku.
"Aduna mi'y skene dzens nga ga-sel:
tulo kinyentos."
"Dili lang, miss. Naa pa'y dako niini?"
Nangutana ko nimu, samtang nitudlo sa usa ka sinina.
"Ah, mam, kinsa'y musuot?"
Naglagot ko.
Wa nimu gitubag ang ako'ng pangutana.
"Ang ig-agaw sa'kung iring." Mitubag ko,
ug ikaw natingala.
Wala ka katubag. Hala oy.
"Ako bitaw ang musuot." Nitug-an nalang ko sa tinuod
para dili ka ma-stress. Ug usab nako'ng gipangutana:
"Aduna ba mo'y mas dako niini nga size?"
"Ah, mam! Kanang, kuan mam!
Juan says pits ul naman na siya, mam.
Suwayi lang ug sukod. Ma-igo ra lagi na nimu."
Nagbukal ako'ng dugo. Wa kaha siya nayabag?
Juan says pits ul? Kadako nga bakak!
Wala ba siya kakita naku nga
naga-barog sa iyang atubangan?
Wala ba siya kakita nga dili mi pariha ug lawas?
"Size Sexy man ko, miss." Miingon ko.
"Ha? Unsa, mam?" Naga-tingsi lang gihapon ka.
"Wala. Ayaw nalang, miss. Mura'g dili man ni mupaigo sa
ig-agaw sa'kung iring. Sa pikas nalang ko mangita."
-Nocturnal Scribe
This blog is protected by the Philippine Copyright Law, Republic Act 8293.
None of the posts in this blog may be reproduced or copied—either completely or partially—in any forms or by any means without permission in writing to the Author.
© Nocturnal Scribe, 2012
No comments:
Post a Comment